Şermetyevo hava limanından Moskva-Murmansk istiqamətində uçan təyyarə təcili aerporta geri dönüş edib.

“Qafqazinfo” “RİA Novosti”yə istinadən xəbər verir ki, təyyarənin göyərtəsində yanğın çıxıb. 78 nəfər sərnişin təxliyyə olunub.

Azı 10 nəfərin yaralandığı bildirilir.

***

Hadisə yerinə Rusiyanın İstintaq Komitəsinin əməkdaşları yollanıb. Təyyarənin yanmasının səbəbləri araşdırılır. Yanğın nəticəsində 5 nəfərin yaralandığı bildirilib. Daha əvvəl 10 nəfərin xəsarət aldığı deyilirdi.

***

SSJ-100 təyyarəsinin yanma səbəbi kimi ilkin versiya olaraq layneri ildırım vurması irəli sürülür. 

***

Yanğın zamanı xəsarət alanların sayı artıb. Belə ki, 10-dan çox sərnişinin yaralandığı bildirilir. Faktla bağlı artıq cinayət işi açılıb. 

***

Yaralıların hamısının öldüyü qeyd edilir. Bəzi rəsmi saytlarda isə bir nəfərin öldüyü yazılıb. Yanğının qarşısı alınıb.

***

"TASS" agentliyinin məlumatına görə, yanğın nəticəsində 13 nəfər ölüb. Nəqliyyat naziri Yevgeni Ditrix hadisə yerinə yollanıb. 

Baş nazir Dmitri Medvedyevin tapşırığına əsasən qəzanın araşdırılması üçün Dövlət Komissiyası yaradılıb. 

***

Təyyarədə olan 73 sərnişindən bəzilərinin taleyi barədə dəqiq məlumat yoxdur. Hazırda yanmış təyyarədə axtarışlar aparılır. 

***

Rusiya Səhiyyə Nazirliyi 7 nəfərin yaralanması ilə bağlı məlumat yayıb. Ölən 13 sərnişindən 2-si uşaqdır.