Ötən gün tonqalda 6 nəfər xəsarət alıb
Ötən gün Torpaq çərşənbəsində 6 nəfər tonqalda xəsarət alma ilə bağlı Respublika Təcili və Təxirəsalınmaz Tibbi Yardım Mərkəzinə müraciət edib.
Bu barədə “Qafqazinfo”ya TƏBİB-dən məlumat verilib.
Bildirilib ki, ötən gün saat 19:30 radələrindən etibarən Xətai, Binəqədi, Suraxanı, Sabunçu və Qaradağ rayonlarının ərazisindən tonqalda xəsarət alma ilə bağlı 6 müraciət daxil olub.
Çağırış ünvanlarına dərhal təcili tibbi yardım briqadaları cəlb olunub.
Xəsarət alan 8 yaşlı (qadın cinsli) azyaşlı hər iki qolun və qarın nahiyəsinin termiki yanığı diaqnozu ilə Nərimanov Tibb Mərkəzinin nəzdindəki Yanıq Mərkəzinə hospitalizasiya olunub. Digər xəsarət alan 5, 6 və 11 yaşlı (kişi cinsli) azyaşlılara bədənin müxtəlif nahiyələrinin yüngül termiki yanığı diaqnozu ilə yerində tibbi xidmət göstərilib. 2 azyaşlının isə tibbi xidmətdən imtinası qeydə alınıb.
Son Xəbərlər
- 1
- 2
- 3
- 4
- 5
- 6
