Piyadanı vurub qaçan sürücü saxlanıldı
Lənkəranda qadın piyadanı vuraraq hadisə yerindən qaçan sürücü saxlanılıb.
DİN Mətbuat Xidmətinin Lənkəran regional qrupundan “Qafqazinfo”ya verilən məlumata görə, aprelin 14-də axşam saatlarında Lənkəran rayonunun Şıxəkəran kəndi ərazisində müəyyən edilməmiş atomobillə həmin kəndin sakini Zülfiyyə Əliyeva vurulub və nəticədə piyada aldığı xəsarətlərdən dünyasını dəyişib.
Lənkəran ŞRPŞ əməkdaşları tərəfindən hadisə yerindən yayınmış “Vaz 2107” markalı avtomobilin sürücüsü, Lənkəran rayonunun Xolmili kənd sakini Samid Hacıyev müəyyən edilərək saxlanılıb.
Faktla bağlı araşdırma aparılır.
