Rusiyada 19 yaşlı azərbaycanlını öldürən polisin cinayət işinə xitam verildi
Rusiyanın Novosibirsk vilayətində 19 yaşlı azərbaycanlı Vəkil Abdullayevi qətlə yetirən polis məmuru Aleksandr Qusyev barəsində başladılan cinayət işinə xitam verilib.
“Qafqazinfo” xəbər verir ki, bu barədə məlumatı Rusiyanın İstintaq Komitəsinin Mətbuat xidməti yayıb.
Məlumata görə, İstintaq Komitəsi Aleksandr Qusyevin əməlini qanuni hesab edib.
Xatırladaq ki, hadisə ötən il mayın 28-də baş verib. Hərəkətdə olan “Toyota” markalı avtomobili saxlayan yol polisi əməkdaşları maşındakı gəncləri polis bölməsinə aparmağa cəhd ediblər. Bu zaman polislərdən biri, baş leytenant Aleksandr Qusyev yoldaşını polislərin əlindən almağa çalışan 19 yaşlı Vəkil Abdullayevin başından güllə ilə vurub. V.Abdullayev xəstəxanaya yerləşdirilsə də, onun həyatını xilas etmək mümkün olmayıb.
Fotoda Vəkil Abdullayev
.jpg)
