Rusiyada “İlin qadını” seçildi

Rusiyada “İlin qadını” seçildi - Fotolar

Fotosessiya

24.11.2021 | 11:07

Oxunma sayı: 5646

Moskvanın “Gelikon Opera” teatrında “Glamour” jurnalının “İlin qadını” mükafatının təqdimetmə mərasimi keçirilib.

“Qafqazinfo” “Komsomolskaya pravda”ya istinadən xəbər verir ki, tədbirin aparıcıları İvan Urqant, Olqa Şelest və Aleksandr Qudkov olub. Qonaqlar arasında bir çox tanınmış simalar yer alıb.

“İlin qadını” nominasiyasında əsas mükafatı aktrisa Çulpan Xamatova alıb. O, bu mükafata “Qorbaçyov” tamaşasında və Kirill Serebrennikovun “Qripə tutulan Petrovlar” filmindəki rollarına görə layiq görülüb.

“İlin aktrisası” İrina Starşenbaum, “İlin müğənnisi” Rusiyanı “Avroviziya-2021”də təmsil etmiş Manija, “İlin müəllifi” Katerina Qordeyeva, “İlin kişisi” Yevgeni Çebatkov, “İlin idmançıları” Dina və Arina Averinalar, “İlin rejissoru” Kira Kovalenko, “İlin komandası” Yekaterina Şilyayeva və Alisa Qladçenko seçiliblər.