Şavkat Mirziyoyev Azərbaycana gələcək - Foto

savkat-mirziyoyev-azerbaycana-gelecek
Oxunma sayı: 3589

Özbəkistan Prezidenti Şavkat Mirziyoyev sentyabrda Azərbaycana səfər edəcək.

Bu barədə “Qafqazinfo”ya Diasporla İş üzrə Dövlət Komitəsindən verilən məlumatda bildirilib.

Daşkənd şəhərindəki “Yeni Özbəkistan” parkında keçirilmiş Novruz şənliyində diaspor nümayəndələrimizlə görüşən Şavkat Mirziyoyev deyib ki, sentyabrda Azərbaycana səfər edəcək.

Prezidentin sözlərinə görə, səfər çərçivəsində Füzuli şəhərində Özbəkistan dövləti tərəfindən inşa edilən məktəbin açılış mərasiminə qatılacaq.

Qeyd edək ki, işğaldan azad edilmiş Füzuli şəhərində Özbəkistan Prezidenti Şavkat Mirziyoyevin təşəbbüsü ilə Özbəkistan büdcəsinin vəsaiti hesabına 960 şagird yerlik məktəb binası inşa edilir. Binanın tikintisinin 2023-cü ilin avqust ayında yekunlaşdırılması nəzərdə tutulur.