Ukraynada 5 nəfəri öldürən əsgər saxlanıldı - Fotolar + Yenilənib

ukraynada-5-neferi-olduren-esger-saxlanildi
Oxunma sayı: 4695

Ukraynanın Dnepr şəhərində yerləşən hərbi hissələrin birində hərbi qulluqçu xidmət yoldaşlarına atəş açıb.

“Qafqazinfo” “İnformator” nəşrinə istinadən xəbər verir ki, insident Bakı vaxtı ilə təqribən 06:00-da baş verib.

20 yaşlı əsgər silah saxlanılan otaqdan avtomat və patron götürdükdən sonra xidmət yoldaşlarını güllələyib. Nəticədə, 4 hərbçi ölüb, daha 1-i yaralanıb. Həmin an ərazidə 22 nəfər olub. Adı açıqlanmayan əsgər hadisə yerindən qaçıb. Hazırda hərbi hissənin ərazisi mühasirəyə alınıb.

İnsidentin səbəbi hələ açıqlanmayıb.

***

Ukraynanın Daxili İşlər Nazirliyinin məlumatına görə, Milli Qvardiyanın hərbi qulluqçusu Dnepr şəhərində “Yujmaş” zavodunun ərazisində gözətçi dəstəni güllələyib. Nəticədə, 5 nəfər ölüb, daha 5 nəfər isə yaralanıb.

Bildirilir ki, ölənlər arasında bir qadın da var və o, zavodun əməkdaşı olub. Milli Qvardiyanın bir qadın hərbi qulluqçusu isə yaralanıb. Qadına tibbi yardım göstərilməsinə baxmayaraq, o da dünyasını dəyişib.

***

Dneprdə insanlara atəş açaraq qaçan əsgər Artem Ryabçuk saxlanılıb. Ukrayna DİN-in rəhbəri Denis Monastırskiy bu faktı təsdiq edib.

***

Milli Qvardiyanın əsgəri Artem Ryabçuk hadisə yerindən qaçdıqdan sonra harda olması barədə məlumatı polisə özü verib. Əsgər Dnepr yaxınlığında bir kənddə saxlanılıb. Onun insanlara hansı səbəbdən atəş açması hələ məlum deyil.