“Vaqifdən şikayətçi deyiləm” - Budaq Nəsirovun atası
Futbolçu Budaq Nəsirovun atası Hikmət Nəsirov oğluna FİFA meneceri Vaqif Heydərli tərəfindən haqsızlıq edilməsiylə bağlı yayılan iddialara cavab verib. "Qafqazinfo" xəbər verir ki, “Futbol+”a danışan Hikmət Nəsirov ümumiyyətlə, Vaqif Heydərlidən şikayətçi olmadığını deyib:
“Mən Vaqifdən şikayətçi ola bilmərəm. Ona iradım yalnız ondan ibarətdi ki, gərək Budağı “Sportinq”ə aparanda mənimlə də məsləhətləşəydi. Oğlumun o kluba yollanması bəlkə də bir az tez idi. O ki qaldı Heydərlinin hər ay bizə göndərmək adıyla 1500 avronu cibinə qoymasına, bu haqda heç bir məlumatım yoxdur”.
Nəsirov açıqlamasında oğlunun Türkiyədə hansısa agentliklə müqavilə bağlamasından xəbərsiz olduğunu deyib: “Oğlum hazırda Portuqaliyadadı. Orda başqa sahədə çalışır. O dostları ilə məşq edir. Qış “transfer pəncərəsi”nin açılmasını gözləyir. Türkiyə ilə heç bir əlaqəsi yoxdur”.
Qeyd edək ki, Nail Zeynalov adlı şəxs fesybukda Vaqif Heydərlinin Budaq Nəsirovu “Sportinq”ə apardığı zaman onun transfer məbləğini süni şəkildə şişirdilməsinə göz yumduğunu, futbolçunun evinə göndərdiyi 2400 avronun 1500 avrosunu cibinə qoyduğunu iddia edib. O bildirib ki, Budağın karyerasının uğursuz alınmasında mencerinin günahı böyükdür.
Son Xəbərlər
- 1
- 2
- 3
- 4
- 5
- 6
