Yaşlı qadına “kömək” tələsi - Pulqabısını oğurladılar
Bakıda yardım etdikləri qadını talayan iki nəfər saxlanılıb.
“Qafqazinfo” xəbər verir ki, Xətai rayonu ərazisində 75 yaşlı qadın üzləşdiyi soyğunçuluq hadisəsi ilə bağlı polisə müraciət edib.
O, mağazadan alış-veriş edib evə gedərkən qarşılaşdığı iki naməlum şəxsin ona əl yükünü daşımaq üçün kömək etmək istədiyini, daha sonra isə həmin şəxslərin zərərçəkənə məxsus içərisində 195 manat və kartlar olan pulqabını taladığını bildirib.
Xətai Rayon Polis İdarəsinin 36-cı Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən E.Kazımov və N.Həmidli müəyyən olunaraq saxlanılıblar.
Hazırda faktla bağlı araşdırmalar aparılır.
Son Xəbərlər
- 1
- 2
- 3
- 4
- 5
- 6
