Afrin əməliyyatının 36-cı günü - Hesabat
Türkiyə Silahlı Qüvvələri (TSQ) və Azad Suriya Ordusu (ASO) tərəfindən Suriyanın Afrin bölgəsində keçirilən “Zeytun budağı” əməliyyatında zərərsizləşdirilən terrorçu sayı 1873-a çatıb.
“Qafqazinfo” TRT-yə istinadən xəbər verir ki, gün ərzində 44 terrorçu məhv edilib.
Bundan başqa, Bafler və Maskah kəndləri də azad edilib.
Bununla da əməliyyatın başladığı 20 yanvar tarixindən etibarən 20-si strateji yüksəklik, 73-ü kənd olmaqla ümumilikdə 101 məntəqə terrorçulardan təmizlənib.
Hazırda TSQ və ASO-nun Afrinin mərkəzinə doğru irəliləyişi davam edir.
