Günay “Best Model of Azerbaijan”-ın prezidenti oldu
“Azərbaycanın Dünya ikincisi olan bir manikeniniz varkən bu müsabiqəni başqasına niyə verim ki? Günaya verdim, o da edəcək və ona dəstək olanlar da var. İnanıram ki, Günay “Best model of Azerbaijan”ın öhdəsindən uğurla gələcək".
Erkan Özərman 30 noyabr 2013-cü ildə Belçikada keçiriləcək 26-cı “Best Model of the World” müsabiqəsində Azərbaycanın adının siyahıya salınmadığını və bu səbəbdən də Belçikaya səfər etdiyini söylədi: "26 -cı dünya yarışması Belçikada keçiriləcək. Bu yaxınlarda “Best Model of the World” müsabiqəsinin keçiriləcəyi Belçikaya getmişdim. Bu il 30 ölkənin qatılacağı müsabiqədə Azərbaycanın adı yox idi. Mən də danışıqlar aparıb, sevdiyim üç ölkəni qəbul etdirdim. Günayın uğurla keçirəcəyi müsabiqənin qalibi noyabrın 30-da baş tutacaq “Best model of the World” də Azərbaycanı təmsil edəcək”.
