Di-cey Aviciii adı ilə tanınan Tim Berqlinq dünyasını dəyişib.
“Qafqazinfo” xarici KİV-ə istinadən xəbər verir ki, 28 yaşlı isveçli di-cey və prodüser Omanın paytaxtı Məsqətdə ölü tapılıb. Bu barədə onun meneceri Diana Baron məlumat yayıb. Di-ceyin ölümünün səbəbi bilinmir.
Xatırladaq ki, 2014-cü ildə pankreatit xəstəliyi keçirən T.Berqlinqin öd kisəsi və appendisiti götürülmüşdü. O, səhhəti ilə əlaqədar 2016-cı ildən etibarən dünya turlarına çıxmağı dayandırıb.