“Qarabağ” ÇL-dən 32 milyon qazandı
UEFA Çempionlar Liqasının qrup mərhələsi artıq başa çatdı. “Qafqazinfo” xəbər verir ki, turnirdəki təmsilçimiz “Qarabağ” qitənin ən nüfuzlu klub turnirində qrupu 2 xalla başa vurdu.
Qurban Qurbanovun komandası keçirdiyi 6 oyundan yalnız ikisində heç-heçə edə bildi. Ağdam klubu evdə və səfərdə Madrid “Atletiko”sundan xal almağı bacardı.
Bununla da komandamız qrup mərhələsində də qazanc əldə etdi. Pley-off-da Danimarka “Kopenhagen”ini məğlub edən “köhlən atlar” 12,7 milyon avroya sahib çıxmışdı.
İki heç-heçəyə görə də komandamız 1 milyon avro əldə edib.
Üstəlik, marketinq gəlirlərini nəzərə alsaq, buradan təxminən 2 milyon yarım avro gəlir əldə ediləcək.
Beləliklə, “Qarabağ”ın ÇL-dən ümumi qazancı təxminən 16 milyon avro olacaq.
Bu da 32 milyon manat edir.
