ABŞ-da polis qaradərili şəxsi boğaraq öldürdü, etirazlar başladı - Fotolar

abs-da-polis-qaraderili-sexsi-bogaraq-oldurdu-etirazlar-basladi
Oxunma sayı: 5940

ABŞ-ın Minneapolis şəhərində ötən gün dələduzluq iddiası ilə saxlanılan qaradərili Corc Floydun polis tərəfindən öldürülməsi əyalət sakinlərini ayağa qaldırıb.

“Qafqazinfo” xarici mediaya istinadən xəbər verir ki, polisin dizi ilə boğazından sıxaraq öldürdüyü Corcun sonuncu “nəfəs ala bilmirəm” sözləri isə aksiyaların şüarı olub. Minlərlə insan hadisəni törədən polisin və digər əməkdaşların həbsini tələb edirlər. Hətta qaradərili insanlarla polis işçiləri arasında qarşıdruma yaranıb. Aksiyanı dağıtmaq üçün plastic mərmilərdən və gözyaşardıcı qazdan istifadə olunub.

Qeyd edək ki, Corc Floydu öldürən polislə yanaşı, ona kömək edən digər 3 nəfər də işdən azad edilib. Corcun ailəsi isə buna etiraz edərək həmin polislərin həbsini və ədalətli şəkildə cəzalandırılmalarını tələb edir.