Bakı-Şamaxı yolunda ölən 4 nəfər hərbçi olub - Yenilənib + Foto

Bakı-Şamaxı yolunda ölən 4 nəfər hərbçi olub
Oxunma sayı: 9858

Bakı-Şamaxı yolunda ağır yol-nəqliyyat hadisəsi baş verib.

“Qafqazinfo”nun APA-ya istinadən məlumatına görə, hadisə Müşfiqabad qəsəbəsi ərasində qeydə alınıb. Belə ki, "Saipa" və "Opel" markalı avtomobillər toqquşub. Nəticədə 5 nəfər ölüb, iki nəfər ağır xəsarət alıb.

Xəsarət alanlar 1984-cü il təvəllüdlü Əliyev Ramil Gülhəsən oğlu və 1991-ci il təvəllüdlü Musazadə Azər Mürvət oğludur.

Hadisə yerinə hüquq-mühafizə orqanlarının əməkdaşları cəlb olunub.

Qeyd edək ki, ölənlər "Saipa"nın sürücüsü və sərnişinləri olub.

***

Qəza ilə bağlı Fövqəladə Hallar Nazirliyi məlumat yayıb. 

Qeyd edilir ki, nazirliyin "112" qaynar telefon xəttinə, Sumqayıt şəhərində “Saipa” və “Opel” markalı iki minik avtomobilinin toqquşması barədə məlumat daxil olub. Hadisə yerinə cəlb olunan Sumqayıt Regional Mərkəzinin xilasetmə qüvvələri “Saipa” markalı minik avtomobilində sıxılı vəziyyətdə qalan 4 nəfərin meyitini (şəxsiyyətləri dəqiqləşdirilir) və müxtəlif xəsarətlər alan digər 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

***

“Qafqazinfo”nun əldə etdiyi məlumata görə, qəza nəticəsində “Saipa” markalı avtomobildə ölənlər hərbçilər olub. Belə ki, maşındakı 5 hərbçidən 4-ü hadisə yerində vəfat edib, 1-i isə ağır xəsarət alıb. “Opel” markalı avtomobilin sürücüsü yaralanıb, onun sərnişini olan mülki şəxs isə ölüb.

Murad Əhməd

 


Daha tez məlumatlanmaq üçün Facebook səhifəmizi