Bakıda küçədə itən azyaşlının valideynləri tapıldı - Yenilənib
Bu gün Bakı şəhər Nizami rayonu ərazisində azyaşlı oğlan uşağı tapılıb.
“Qafqazinfo” xəbər verir ki, bu barədə feysbukda məlumat verilib. Bildirilib ki, 4-5 yaşlı oğlan uşağı Babək prospektindəki (Keşlə qəsəbəsi) 328 saylı məktəb yaxınlığında tapılıb.
Hazırda uşağın valideynləri və yaxınlarının tapılması istiqamətində iş aparılır.
***
DİN-in Mətbuat xidmətindən sorğumuza cavab olaraq bildirilib ki, azyaşlının valideynləri tapılıb və o, ailəsinə təhvil verilib.
