Bakının içməli suyu ilə bağlı açıqlama
“Bakı şəhərinin içməli suyu sanitar normalara uyğundur. Dövlət proqramına uyğun olaraq, paytaxtda su və kanalizasiya sisteminin qurulması istiqamətində işlər davam etdirilir”.
“Qafqazinfo” xəbər verir ki, bu barədə Ekologiya və Təbii Sərvətlər Nazirliyinin feysbuk səhifəsində yayımlanan “Ekspert saatı” verilişində Gigiyena və Epidemiologiya Mərkəzinin şöbə müdiri Ziyəddin Kazımov bildirib.
O qeyd edib ki, hələ ötən illərə qədər Sumqayıt və Corat ərazisində çirkab suları sızıntı formasında birbaşa Xəzər dənizinə axıdılırdı. Bunun qarşısının alınması üçün müvafiq tədbirlər görüldü: “Həmin ərazidə hazırda 17 mobil tipli təmizləyici qurğu quraşdırılıb və artıq orada çirklənmə müşahidə olunmur. Bu proses gələcəkdə Abşeron yarımadasının digər ərazilərini əhatə edəcək.
Hazırda Qaradağ və Səbail rayonlarında olan, uzun müddət istismarı dayandırılmış təmizləyici qurğuların hələ də fəaliyyətə başlamaması bizim ağrılı yerimizdir. Yəqin ki, bu qurğular yaxın vaxtlarda fəaliyyətə başlayacaq”.
Gülnar Əliyeva
Son Xəbərlər
- 1
- 2
- 3
- 4
- 5
- 6
