bp-nin yeni regional prezidenti BANM-də - Fotolar
bp-nin Azərbaycan, Gürcüstan və Türkiyə üzrə yeni regional prezidenti Cio Kristofoli Bakı Ali Neft Məktəbində (BANM) olub.
“Qafqazinfo” xəbər verir ki, o, BANM-in kampusu ilə tanış olub, tələbələr üçün master-klas keçib.
Tədbirin açılışında BANM-in rektoru Elmar Qasımov bp ilə sıx əməkdaşlığın mövcudluğunu vurğulayaraq BANM-in 100-dən artıq məzununun bp-də çalışdığını, hər il onlarla tələbənin şirkətdə təcrübə keçdiyini, Ali Məktəbdə bp-nin yaratdığı laboratoriyanın uğurla fəaliyyət göstərdiyini qeyd edib.
Cio Kristofoli “Texnologiya, insan faktoru, liderlik” mövzusunda keçdiyi master-klasda texnologiyanın peşəkar kadrlar və səmərəli proseslərlə bərabər enerji sektorunda artan rolu və innovasiyaların tətbiqi barədə danışıb. O, karyera yüksəlişi, liderlik bacarıqlarının qazanılması və uğurlu mütəxəssis olmaq üçün şəxsi təcrübələrini bölüşüb, tövsiyələrini verib, tələbələrin suallarını cavablandırıb.
Son Xəbərlər
- 1
- 2
- 3
- 4
- 5
- 6
