“Crocus”dakı terror aktı ilə gündəmə gələn İslam mükafatlandırıldı - Video
Martın 22-si Moskvada “Crocus City Hall”da törədilən terror aktı zamanı çox sayda insanın həyatını xilas edən İslam Xəlilova Rusiya universitetlərinin birində təhsil almaq üçün qrant verilib.
“Qafqazinfo” TASS-a istinadən xəbər verir ki, əslən qırğızıstanlı olan İslam Xəlilovun mükafatlandırılması ilə bağlı Dövlət Dumasında tədbir keçirilib.
Tədbirdə 15 yaşlı gəncin valideynləri ilə yanaşı Qırğızıstanın Moskvadakı səfiri Gülnara-Klara Samat da iştirak edib.
İ.Xəlilov ona istənilən Rusiya universitetində təhsil almaq imkanının verilməsinə görə minnətdarlığını bildirib.
Xatırladaq ki, “Crocus City Hall”un qarderobunda işləyən İ.Xəlilov terror aktı zamanı 100-dən çox insanın həyatını xilas edib. Sosial şəbəkələrdə ilk olaraq onun azərbaycanlı olduğu bildirilirdi.
Son Xəbərlər
- 1
- 2
- 3
- 4
- 5
- 6
