KTMT Katibliyinə “Sarsılmaz Qardaşlıq-2023” təlimlərinin Ermənistanda keçirilməsinin ləğvi ilə bağlı İrəvandan rəsmi müraciət daxil olmayıb.
“Qafqazinfo” TASS-a istinadən xəbər verir ki, bu barədə məlumatı KTMT-nin mətbuat katibi Vladimir Zaynetdinov açıqlayıb.
Onun sözlərinə görə, həmin təlimlərin bu il Ermənistanda keçirilməsinin zəruriliyini daha əvvəl İrəvan təsdiq edib.
Xatırladaq ki, Ermənistanın Baş naziri Nikol Paşinyan yanvarın 10-u keçirdiyi mətbuat konfransında bildirib ki, ölkəsi bu il KTMT təlimlərinə ev sahibliyi etməkdən imtina edib. Paşinyan qeyd edib ki, Ermənistan bu il ölkədə KTMT-nin təlimlərinin keçirilməsini məqsədəuyğun hesab etmir.