Göygöldə fərdi evin zirzəmisi çöküb.
“Qafqazinfo” xəbər verir ki, hadisə evdə təmir zamanı baş verib.
Dağıntılar altında 1 nəfərin qaldığı bildirilir.
Hazırda həmin şəxsin xilasetmə işləri aparılır.
***
FHN hadisə ilə bağlı məlumat yayıb.
Bildirilib ki, Fövqəladə Hallar Nazirliyinin “112” qaynar telefon xəttinə Göygöl şəhərində fərdi yaşayış evində 1 nəfərin uçqun altında qalması barədə məlumat daxil olub.
Məlumatla əlaqədar FHN-nin Gəncə Regional Mərkəzinin xilasediciləri çağırış üzrə cəlb olunublar.
Hazırda axtarış-xilasetmə işləri həyata keçirilir.
***
Göygöldə çökən binanın dağıntıları altında qalan şəxsin kimliyi məlum olub.
“Qafqazinfo”nun məlumatına görə, həmin şəxsin ev sahibi Cəfərov Emin olduğu bildirilir.
***
FHN hadisə ilə bağlı daha bir məlumat yayıb.
Bildirilib ki, məlumatla əlaqədar dərhal FHN-in Gəncə Regional Mərkəzinin və Xüsusi Riskli Xilasetmə Xidmətinin şəxsi heyəti, müvafiq texnikası və xüsusi təlim keçmiş xidməti it axtarış-xilasetmə işlərinə cəlb olunub.
Xilasedicilər xüsusi texnika və avadanlıqlardan istifadə etməklə axtarış-xilasetmə işlərini davam etdirir.
Yunis Quliyev