İranda Əxlaq polisi tərəfindən döyülən yeniyetmə qız ölüb - Foto
İranda hicab taxmadığı üçün Əxlaq polisi tərəfindən saxlanılan və zorakılığa məruz qalan 16 yaşlı Armita Gəravənd bir neçə gün reanimasiyada qaldıqdan sonra dünyasını dəyişib.
“Qafqazinfo” xəbər verir ki, Tehranda təhsil alan tələbə 28 gün intensiv terapiya şöbəsində müalicə olunub.
Məlumata görə, hadisə oktyabrın 3-ü metroda baş verib. Hüquq-mühafizə orqanları əməkdaşları onu platformada saxlayıb və başını örtməsini tələb ediblər. Qız imtina edəndə ona qarşı güc tətbiq ediblər. Nəticədə Armita xəstəxanaya çatdırılıb.
Hökumət isə polisin yeniyetmə ilə kobud rəftar etdiyini təkzib edir.
Qeyd edək ki, çoxları bu hadisəni 22 yaşlı Məhsa Əminin başına gələnlərlə müqayisə edir. O da hicab taxmadığı üçün saxlanılmışdı. Polis maşınında döyülən Məhsa bir neçə gündən sonra ölmüşdü.
