Metroda polislə sərnişinlər arasında dava - Video

metroda-polisle-sernisinler-arasinda-dava
Oxunma sayı: 8623

Bakı metrosunda polislə sərnişin arasında mübahisə yaranıb.

"Qafqazinfo" Oxu.Az-a istinadən xəbər verir ki, bununla bağlı videogörüntü sosial şəbəkədə paylaşılıb. 

Paylaşım edən şəxs hadisənin ötən gün “Qara Qarayev” stansiyasında baş verdiyini qeyd edib.

İddiaya görə,  sözügedən stansiyada polislərlə vətəndaşlar arasında gərginlik yaranıb. 

Videogörüntüdə iki polis əməkdaşının sərnişinlərdən birini qatardan çıxarmağa çalışdığı əks olunub. Polisin hansı səbəbdən sərnişinlə mübahisə etməsi və onu qatardan çıxarmağa çalışması məlum deyil.

İlkin məlumata görə, sərnişin platformada olarkən tibbi maskadan istifadə etməyib. Polis əməkdaşı ona yaxınlaşaraq profilaktik söhbət aparıb, onun karantin qaydalarına riayət etməsini xahiş edib.