Kolumbiya polisi yeddi ton kokain ələ keçirib.
“Qafqazinfo” “RİA Novosti”yə istinadən xəbər verir ki, bu barədə Kolumbiya hakimiyyəti məlumat yayıb.
Məlumata əsasən, Apartado şəhərində təhlükəsizlik qüvvələri “Zaliva” cinayətkar qruplaşmasına məxsus 7 ton kokaini müsadirə ediblər.
Narkotik maddələrin Mərkəzi Amerikaya getməli olan meyvə yüklərinin arasında gizlədildiyi bildirilib.
Kolumbiya Müdafiə Nazirliyinin məlumatına əsasən narkotik maddənin Nyu-York küçələrində ümumi dəyəri təxminən 200 milyon dollardır.