“Qalatasaray” yenidən liderliyə yüksəldi

qalatasaray-yeniden-liderliye-yukseldi
Oxunma sayı: 1335

Futbol üzrə Türkiyə Superliqasında XXVII tura yekun vurulub.

“Qafqazinfo” xəbər verir ki, sonuncu oyun günündə “Qalatasaray” “Antalyaspor”u qəbul edib.

Qarşılaşma meydan sahiblərinin qələbəsi ilə başa çatıb - 2:1.

İstanbul təmsilçisinin heyətində qolları 12-ci və 45+1-ci dəqiqələrdə Kərəm Aktürkoğlu vurub. Qonaqlardan isə 33-cü dəqiqədə Sander van de Strik fərqlənib.

Bu nəticədən sonra xallarını 72-yə çatdıran “Qalatasaray” yenidən liderliyə yüksəlib. Liderin əsas izləyicisi “Fənərbağça” isə 70 xalla ikincidir.