“Qarabağ” UEFA reytinqində gerilədi
UEFA avrokuboklarda 1/8 final mərhələsinin cavab oyunlarından sonra klub reytinqini yeniləyib.
“Qafqazinfo” xəbər verir ki, “Qarabağ”ın da mövqeyində dəyişiklik olub.
Avropa Liqasının bu raundunda “Bayer”ə (2:2, 2:3) məğlub olan Azərbaycan çempionu reytinqdə geriləyib. Son 5 mövsümdə aktivinə 33,000 əmsal yazdıran ağdamlılar 57-ci yerə düşüb.
Reytinqə Çempionlar Liqasının son qalibi “Mançester Siti” (146,000) başçılıq edir. “Bavariya” (139,000) ikinci, “Real” (127,000) üçüncü yerdədi.
