“Qarabağ”ın futbolçusu İtaliya klubunun hədəfində
Belçikalı müdafiəçi Faysal Rerras “Qarabağ”ı tərk etməyə hazırlaşır. “Qafqazinfo” xəbər verir ki, belə bir iddia ilə İtaliya mətbuatı çıxış edib.
Bildirilir ki, B Seriyası təmsilçisi “Benevento” klubu futbolçunu transfer etmək niyyətindədir.
Hazırda ikinci liqada liderliyini davam etdirən komanda növbəti mövsüm A Seriyasında çıxış edə bilər. Bu səbəbdən onlar heyətə yeni oyunçular qatmaq istəyirlər.
İyun ayında “Qarabağ”la müqaviləsi başa çatacaq Faysal Rerras da transfer hədəflərindən biridir.
