“Kontakt” daha bir qlobal smartfon brendinin – “OPPO”nun eksklüziv partnyoru oldu. Smartfon bazarında top 5 brenddən biri olan “OPPO”nun gəlişinə özəl şəbəkə yaxın günlərdə partnyorlar, influenserlər və KİV-in iştirakı ilə xüsusi təqdimat tədbiri həyata keçirib.

Tədbirdə “Kontakt”ın baş direktoru Həsən İsrafilzadə,  “OPPO”nun Mərkəzi Asiya və Qafqaz üzrə baş təmsilçisi Viktor Çanq, “OPPO”nun Mərkəzi Asiya və Qafqaz üzrə Marketinq və Brend İnkişafı Departamentinin direktoru Botagöz Karibayeva çıxış edərək brendin ölkəmizlə bağlı gələcək planlarından, həmçinin ortaq tərəfdaşlıqdan bəhs ediblər.

“Kontakt” mağazalar şəbəkəsinin baş direktoru Həsən İsrafilzadə “OPPO”nu innovasiyalar, irəli texnologiyalar, keyfiyyət, qiymət siyasəti və daha bir çox xüsusiyyətlərinə görə qlobalda lider brendlərdən olduğunu vurğulayıb. Belə bir brendin “Kontakt”da olmasını şəbəkənin zəngin məhsul çeşidlərinə çox layiqli bir əlavə olduğunu qeyd edib.

Viktor Çanq isə öz növbəsində “Kontakt”ı Azərbaycanın pərakəndə satışlar üzrə lider şəbəkəsi adlandırıb. O, eyni zamanda iki şirkətin əməkdaşlığının nəticəsində azərbaycanlılara yüksək keyfiyyətli məhsullar və təcrübə təqdim edəcəklərinə inandığını bildirib və hamını geniş çeşidlə tanış olmaq üçün “Kontakt” mağazalarına dəvət edib.

Botagöz Karibayeva isə çıxışında “OPPO” brendinin yeni bazarda təqdim olunması, şirkətin nailiyyətləri və Azərbaycanla tərəfdaşlığın vacibliyindən bəhs edib.

Gecəyə “OPPO” nun ölkəmizdəki brend siması olan müğənni Hissin çıxışı, eləcə də digər əyləncəli proqramlar xüsusi maraq qatıb.

Tədbir iştirakçıları həmçinin “OPPO” brendinə məxsus smartfon və planşetləri yerindəcə test etmək imkanı əldə edib.

Qeyd edək ki, “OPPO” daim innovativ texnologiyanı yaratmağa çalışır. Dünya üzrə 60-dan çox ölkədə müştərilərə əlçatan olan brend bu gün OPPO Find X və Reno seriyaları da daxil olmaqla, geniş çeşiddə ağıllı cihazlar təqdim edir. Son model OPPO Reno 10 5G smartfonu isə hazırda dünya üzrə “OPPO” məhsulları arasında satış liderləridir.

Dünyada 500 milyondan çox istifadəçisi olan OPPO smartfonlarını brendin ölkəmizdəki eksklüziv distributoru olan “Kontakt” mağazalarından nağd alışda 300 manatdan başlayan qiymətlərlə, hissəli alışda isə, ayda 15 manatdan başlayan şərtlərlə əldə edə bilərsiniz