Sobçak birinci oldu
“Forbes” jurnalı 01.05.2019 - 30.04.2020-ci il tarixləri aralığında İnstaqramda reklamdan ən çox gəlir əldə edən rusiyalı bloqerlərin reytinqini dərc edib.
Siyahının birincisi teleaparıcı Kseniya Sobçak olub. Onun reklamdan əldə etdiyi gəlir 1,48 milyon dollar təşkil edib. İkinci yerdə 890 min qazancla müğənni Polina Qaqarina, üçüncü yerdə isə İda Qaliç (850 min dollar) qərarlaşıb.
Həmçinin reytinqə teleaparıcı Kseniya Borodina (770 min), bloqer Alina Levada (760 min), teleaparıcı Nastya İvleyeva (610 min), bloqer Valeriya Çekalina (610 min), teleaparıcı Regina Todorenko (600 min), müğənni Yelena Temnikova (600 min), döyüşcü Həbib Nurməhəmmədov (600 min) daxil olublar.
Maraqlıdır ki, İnstaqramda ən böyük auditoriyaya malik teleaparıcı, müğənni Olqa Buzova ilk üçlükdən reytiqin ən aşağı pilləsinə enib. Onun sosial şəbəkədəki gəliri 0,6 milyon dollar təşkil edib. Bundan başqa, reper Yeqor Krid 0,57 milyon, teleaparıcı Viktoriya Bonya 0,54 milyon və kiber idmançı Alan Yenileyev 0,51 milyon qazanıblar.
Son Xəbərlər
- 1
- 2
- 3
- 4
- 5
- 6
