Bu gün səhər saatlarında Bakının Sabunçu rayonundakı “BİG” Store ticarət mərkəzində baş verən yanğın nəticəsində tüstüdən zəhərlənmə ilə xəstəxanaya müraciət edənlərin hamısı evə buraxılıb.
“Qafqazinfo” xəbər verir ki, bu barədə Trend-ə 1 saylı Şəhər Klinik Xəstəxanasının Toksikologiya Şöbəsinin müdiri Azər Maqsudov məlumat verib.
Məlumatda bildirilir ki, hadisə ilə bağlı şöbəyə 10 nəfər zəhərlənmə ilə müraciət edib. Müraciət edənlərdən 5 nəfər azyaşlı olub: “Həmin şəxslərə ilkin tibbi yardım göstərilib və ambulator müalicəyə buraxılıblar”.