ABŞ və Yaponiya birləşəcək
“Qafqazinfo” ictnews-a istinadən bildirir ki, "Faster" adlandırılmış kabel ABŞ və Yaponiyanı birləşdirəcək. Konsorsium layihənin qiymətini 300 milyon dollar dəyərində qiymətləndirir.
Transokean fiber-optik xətti bir saniyədə 60 terabaytadək məlumatların ötürülməsini təmin edəcək. Məsələn, bir saniyədə "HD" keyfiyyətində 2000 film ötürmək mümkündür.
Kabel 2016-cı ildə istismara veriləcək.
"Google" layihə üzərində Asiyanın telekommunikasiya bazarının nəhəngləri ("China Mobile", "China Telecom", "Global Transit", "KDDI" və "SingTel") ilə birgə işləyir.
Kabel Yaponiyada Çikura və Şima şəhərlərini ABŞ-ın qərb sahilində yerləşən ən böyük mərkəzlərlə (Los-Anceles, San-Fransisko, Portlend və Sietl) birləşdirəcək.
