BMT FİFA-ya başörtüyü ilə bağlı müraciət etdi
“Azerimuslims.com” Türkiyə mətbuatına istinadən bildirir ki, BMT müsəlman idmançı qadınların müsabiqələrdə başörtüyü ilə iştirak etməsinə icazə verilməsi məqsədilə Beynəlxalq Futbol Federasiyaları Assosiasiyasına (FİFA) müraciət edib.
BMT-nin açıqlamasında Baş katib Ban Ki-Munun idman işləri üzrə müşaviri Vilfred Lemkenin FİFA-nın Baş katibi Zepp Blatterə mövzu ilə bağlı məktubla müraciət etdiyi bildirilib.
Məktubda futbolda iştirak etmək xüsusunda hər bir kəsin bərabər hüquqa sahib olmasını təmin etmənin FİFA-nın məsuliyyət sahəsinə aid olduğu vurğulanıb. Xəbərdə FİFA-nın mart ayının 3-də İngiltərədə keçiriləcək növbəti toplantısında 2007-ci ildə qəbul edilən qadağanın ləğvini nəzərdə tutan qanun layihənin müzakirə ediləcəyi bildirilib.
Toplantıda başörtüyünə icazə verilməsini nəzərdə tutan təklif FİFA-nın Baş katibinin köməkçisi İordaniya şahzadəsi Əli tərəfindən təqdim ediləcək.
Son Xəbərlər
- 1
- 2
- 3
- 4
- 5
- 6
