Ficidə 8,2 bal gücündə zəlzələ olub
Sakit okeanda yerləşən Fici adaları yaxınlığında 8,2 bal gücündə zəlzələ baş verib.
“Qafqazinfo” xəbər verir ki, bu barədə ABŞ Geoloji Xidməti məlumat yayıb.
Yeraltı təkanlar Ndoi adasından 290 kilometr şimal-şərqdə qeydə alınıb. Zəlzələ ocağı isə 560 kilometr dərinlikdə yerləşib.
Zəlzələnin çox dərində yerləşməsi səbəbindən dağıntılar baş verməyib. Həmçinin sunami təhlükəsinin gözlənmədiyi də bildirilib.
