“İnter”dən ardıcıl 3-cü məğlubiyyət - Video
Bu gün Azərbaycan Premyer Liqasında 9-cu tura start verilib.
“Qafqazinfo” xəbər verir ki, turun açılış matçında “Səbail” “İnter”i qəbul edib.
Oyunun taleyini 1 qol həll edib. 16-cı dəqiqədə Murtuz Abakarov “Səbail”ə qələbə qazandıran qola imza atıb. “Səbail” xalını 9-a çatdıraraq “İnter”i geridə qoyub və 5-ci pilləyə yüksəlib.
Bu, yaxşı günlər keçirməyən “İnter”in ardıcıl 3-cü məğlubiyyəti, həm də meydanı qələbəsiz tərk etdiyi ardıcıl 5-ci matçı olub.
Qeyd edək ki, “İnter” növbəti matçlarını “Keşlə” adı altında oynayacaq.
