Məşhur futbolçu Türkiyədən ayrıldı
Kamerunlu hücumçu Samuel Eto`O Türkiyənin “Konyaspor” klubundan ayrılıb.
“Qafqazinfo” xəbər verir ki, bu barədə klubun rəsmi saytı məlumat yayıb.
37 yaşlı hücumçu ilə 2020-ci ildə başa çatacaq müqaviləyə qarşılıqlı razılaşma əsasında son qoyulub. O, “Konyaspor” klubundan 1 milyon avro təzminat alacaq.
Onun Fransanın “Nim” klubuna keçəcəyi gözlənilir.
Qeyd edək ki, Eto`O ötən mövsümün qış fasiləsində “Antalyaspor”dan “Konyaspor”a keçmişdi. Kamerunlu ulduz karyerası ərzində İspaniyanın “Real Madrid”, “Leqanes”, “Espanyol”, “Malyorka”, “Barselona”, İtaliyanın “İnter”, “Sampdoriya”, Rusiyanın “Anji”, İngiltərənin “Çelsi” və “Everton” klublarından forma geyinib.
