“Musəvi və Kərrubinin həbsdə saxlanması ədalətsizlikdir”
“Qafqazinfo” nun “Media forum” saytına istinadən məlumatına görə, Bayat Zəncani deyib ki, Musəvi və Kərrubinin məhkəmə qərarı olmadan həbsdə saxlanması onlara qarşı haqsızlıq və ədalətsizlikdir: “Əgər bütün işlərdə və əməllərdə ölkə konstitusiyası meyar kimi götürülsəydi, Mirhüseyn Musəvi, xanımı Zəhra Rəhnəvərd və Mehdi Kərrubi bu gün həbsdə yatmazdılar. Onlar mühakimə olunmadan həbsdə saxlanırlar.
Qanuna riayət olunsaydı, onlar üçün ədalətli məhkəmə keçirilməli, onlara öz vəkilləri ilə birlikdə həmin məhkəmədə iştirak etmək, barələrində irəli sürülmüş birtərəfli ittihamlara cavab vermək, özlərini müdafiə etmək hüququ verilməli idi”.
