Putinə sui-qəsd cəhdinin qarşısı alınıb
Serbiya polisi Rusiya prezidenti Vladimir Putinə sui-qəsd hazırlayan 21 yaşlı gənci saxlayıb.
“Qafqazinfo” xəbər verir ki, “İnformer” nəşrinin yaydığı məlumata görə, müsəlman əsilli döyüşçü Armin Alibaşiç Serbiyanın Novi-Pazar şəhərində saxlanılıb. Hüquq-mühafizə orqanlarının diqqətinin onun çantası çəkib. Axtarış zamanı çantada optik nişangahlı tüfəng aşkarlanıb.
Bundan sonra, onun evində axtarış aparılıb və mənzildən silahlar, partlayıcı qurğunu hazırlamaq üçün bütün lazımi komponentlər, eyni zamanda İŞİD-in simvolu tapılıb.
Yerli xüsusi xidmət orqanları və ekspertlər hesab edirlər ki, gənc adam yanvarın 17-si, Putinin Belqrad səfəri zamanı terror aktı törətməyi planlaşdırıb.
