Şəhid ailələri, Qarabağ və 20 Yanvar əlillərinə - 145 mənzil bağışlandı

sehid-aileleri-qarabag-ve-20-yanvar-elillerine
Oxunma sayı: 2202

Əmək və Əhalinin Sosial Müdafiəsi Nazirliyi (ƏƏSMN) tərəfindən şəhid ailələrinə, Qarabağ müharibəsi və 20 Yanvar əlillərinə 145 mənzil verilib.

Qurumdan “Qafqazinfo”ya daxil olan məlumata görə, mənzillər Abşeron rayonunun Məmmədli kəndindəki “Göy qurşağı” yaşayış kompleksində yeni yaşayış binalarından alınıb. 

Mənzillərin sənədlərinin təqdim olunması tədbirində çıxış edən nazir müavini Vüsal Nəsirli bildirib ki, dövlət başçısının 2 avqust 2018-ci il tarixli Sərəncamı ilə şəhid ailələri və Qarabağ müharibəsi əlilləri üçün 2018-ci ildə əlavə olaraq minimum 300 mənzilin alınması üçün 20 milyon manat vəsait ayrılması 2018-ci ildə həmin kateqoriyalardan olan insanlara nəzərdə tutulduğundan 2,8 dəfə çox olmaqla 600-ə yaxın mənzilin təqdim edilməsinə imkan verib. 

Bu ay ərzində Bakı və Abşeronda yeni mənzillərin, İmişlidə 54 mənzilli, Şamaxıda 36 mənzilli yaşayış binalarının, ayrı-ayrı rayon və şəhərlərdə də tikintisi başa çatan fərdi yaşayış evlərinin istifadəyə verilməsi planlaşdırılıb. 

Tədbirin sonunda mənzillər püşkatma qaydasında paylanılıb.