Şirvanda “Ford” 4 yaşlı uşağı vurub
Şirvanda yük maşını azyaşlı uşağı vurub.
“Qafqazinfo”nun APA-ya istinadən verdiyi xəbərə görə, hadisə M.Ə.Rəsulzadə küçəsində qeydə alınıb.
Hərəkətdə olan “Ford” markalı, “18 BE 990” dövlət nömrə nişanlı yük avtomobili 2014-cü il təvəllüdlü İbadov Sinan Elşən oğlunu vurub.
Ağır kəllə-beyin travması alan azyaşlı Şirvan şəhər xəstəxanasına yerləşdirilib. Vəziyyətinin ağır olduğu bildirilir.
Faktla bağlı araşdırma aparılır.
