Şri-Lankanın Müdafiə Nazirliyində gözlənilən istefa

Şri-Lankanın Müdafiə Nazirliyində gözlənilən istefa
Oxunma sayı: 433

Şri-Lankanın müdafiə nazirinin mətbuat katibi Hemasiri Fernando istefa verib.

“Qafqazinfo”nun “TASS”a istinadən məlumatına görə, nazirlik sözçüsü bu qərarı ictimaiyyət tərəfindən ünvanına səsləndirilən sərt tənqidlərdən sonra qəbul edib. Belə ki, Fernando silsilə partlayışların olacağı ilə bağlı məlumatları qabaqcadan bilsə də, onların qarşısını ala bilməməkdə günahlandırılır. Onun tədbirlər görməməsi ictimai qəzəbə səbəb olub.

Parlamentin deputatı Viceydasa Racaraksa hətta dövlət başçısından Fernandonun dərhal həbsini tələb etmişdi.

Prezident Maytripala Sirisena katibdən könüllü olaraq postunu tərk etməsini istəmişdi. 

Xatırladaq ki, aprelin 21-də Şri-Lankada baş vermiş ardıcıl 8 partlayışda 359 nəfər həyatını itirib.


Daha tez məlumatlanmaq üçün yeni Facebook səhifəmizi