Timsah insanları xaç suyuna salan keşişi öldürdü
Efiopiyada göldə xaç suyuna salınma mərasimi təşkil edən protestant keşiş timsahın hücumuna məruz qalıb.
"Qafqazinfo" xarici KİV-ə istinadən xəbər verir ki, Doxo Eşete adlı keşiş Abaya gölündə 80 nəfəri xaç suyuna salmaq istəyib. Ancaq qəflətən sudan çıxan timsah keşişin ayaqlarından, belindən və əllərindən dişləyib.
Eşeteni gölə sürküləməyə çalışan timsahı balıq toru ilə tutmağa çalışsalar da, qaçmağı bacarıb. Keşişin həyatını isə xilas etmək mümkün olmayıb.
