Ukrayna İnterpoldan çıxa bilər
Ukrayna İnterpola üzvlüyünü dayandırmaq niyyətindədir.
“Qafqazinfo” xarici KİV-ə istinadən xəbər verir ki, bu barədə Ukraynanın daxili işlər naziri Arsen Avakov deyib. O bildirib ki, əgər rusiyalı Aleksandr Prokopçuk İnterpola rəhbər seçilərsə, ölkəsi üzvlükdən imtina edəcək.
Qeyd edək ki, İnterpola prezident seçkisi noyabrın 21-də keçiriləcək. İnterpolun əvvəlki prezidenti Men Hunvey korrupsiyada ittiham olunaraq Çində həbs edilib. Hunvey təşkilatın rəhbəri vəzifəsindən istefaya göndərilib.
