Ötən gün Papua -Yeni Qvineyada baş verən 7,5 bal gücündə zəlzələ nəticəsində ölənlərin sayı 30-u keçib.
“Qafqazinfo” xəbər verir ki, bu barədə “Post Courier” nəşri məlumat yayıb.
Məlumata əsasan, 300-dən çox insan isə xəsarət alıb. Hela və Sautern-Haylends əyalətlərində elektrik təchizatında problem yaranıb. Bundan əlavə zəlzələ avia əlaqənin pozulmasına səbəb olub.
ABŞ Geoloji Xidmətinin məlumatına görə, 7,5 bal gücündə yeraltı təkan Porqera şəhərindən 89 kilometr cənub-qərbdə, 35 kilometr dərinlikdə qeydə alınıb.