“1033” gecə klubunun rəhbəri həbs edildi - Video

“1033” gecə klubunun rəhbəri həbs edildi
Oxunma sayı: 6979

Daxili İşlər Nazirliyi paytaxtın Yasamal rayonunda yerləşən “1033” gecə klubunda keçirilən tədbirlə bağlı açıqlama yayıb.

DİN Mətbuat xidmətindən "Qafqazinfo"ya verilən məlumata görə, gecə klubuna gələn şəxslərin “Covid” pasportunun yoxlanılmadığı, masalararası məsafənin gözlənilmədiyi, müştərilərə qəlyan təklif edildiyi və bu kimi digər karantin qaydalarının kobud şəkildə pozulduğu  müəyyən olunub. Tədbir nəticəsində gecə klubunun rəhbəri, əvvəllər məhklum olunmuş Mehdi Abbasov və orada işləyən xidməti personal saxlanılıblar. 

Həmçinin oxuyun: Bakının məşhur gecə klubunda əməliyyat keçirildi, saxlanılanlar var - Video

Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində fakta görə Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanılıb və “1033” gecə klubunun rəhbəri Mehdi Abbasov tutularaq istintaqa cəlb edilib. Onun barəsində məhkəmənin qərarı ilə 3 ay müddətinə həbs qətimkan tədbiri seçilib. Hazırda iş üzrə əməliyyat-istintaq tədbirləri davam etdirilir.