Ağaclara tor qurmaqla qanunsuz ov edənlər saxlanıldı

agaclara-tor-qurmaqla-qanunsuz-ov-edenler-saxlanildi
Oxunma sayı: 3119

Astarada ağaclara tor qurmaqla qanunsuz ov edən şəxslər aşkarlanıb.

DİN-in Mətbuat Xidmətindən “Qafqazinfo”ya verilən məlumata görə, polis əməkdaşları ərəfindən rayonun Rüdəkənar kəndi ərazisində 4 nəfər rayon sakini A.Həsənov, E. Kazımov, K. Rzayev və C. Kazımovun qanunsuz ov etdikləri aşkarlanıb.

Onlardan müvafiq sənədləri olmayan 2 ədəd ov tüfəngi, çöl quşlarını havada ovlamaq üçün quraşdırılmış sintetik torlar, ov zamanı istifadə olunan digər alətlər və qanunsuz olaraq ovlanan çöl quşları aşkarlanıb.

Bundan əlavə, şöbə əməkdaşlarının rayon ərazisində qanunsuz saxlanılan silah-sursatla bağlı keçirdikləri əməliyyat tədbirləri nəticəsində 20 nəfər rayon sakininindən qanunsuz olaraq saxladıqları ov silahları aşkarlanaraq götürülüb.

Faktlar üzrə Astara RPŞ-də araşdırma aparılır.