“Atamın yüksək təzyiq və şəkəri var” - Qubad İbadoğlunun qızı
Dünən polis tərəfindən saxlanılan və barəsində cinayət işi açılan Azərbaycan Demokratiya və Rifah Partiyasının sədri Qubad İbadoğlunun səhhətində problemlər var.
“Qafqazinfo” xəbər verir ki, bu barədə Q.İbadoğlunun qızı Jalə Bayramova sosial şəbəkə səhifəsində yazıb. O, atasının daimi istifadə etdiyi dərmanları ona çatdıra bilmədiklərini deyib:
“Atama dərman və paltar kimi ehtiyacları götürməyə imkan verməyiblər. Hələ də özünə lazım olan dərmanları yoxdur. Atamın yüksək təzyiq və şəkəri var, dərmanlar onun həm də digər daxili orqanları üçündür. Həmin dərmanlarsız o, sadəcə məhv ola bilər”.
Qeyd edək ki, partiya sədri ilkin olaraq Cinayət Məcəlləsinin 204.1-ci (saxta pul və ya qiymətli kağızlar hazırlama, əldə etmə və ya satma) maddəsi ilə açılmış iş üzrə təqsirləndirilən şəxs qismində cəlb olunub.
Həmçinin oxuyun: Губаду Ибадоглу предъявлено обвинение по этой статье
Son Xəbərlər
- 1
- 2
- 3
- 4
- 5
- 6
