Bakıda fərdi yaşayış evində yanğın baş verib.
"Qafqazinfo" FHN-ə istinadən xəbər verir ki, hadisə Yasamal rayonu, Şamil Əzizbəyov küçəsi 33 ünvanında qeydə alınıb.
Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri hadisə yerinə cəlb olunub.
***
Yasamal rayonunda fərdi evdə baş verən yanğın söndürülüb.
Fövqəladə Hallar Nazirliyindən "Qafqazinfo"ya verilən xəbərə görə, Bakı şəhərinin Yasamal rayonunda ümumi sahəsi 55 m² olan birmərtəbəli 3 otaqlı evin yanar konstruksiyaları və içərisindəki ev əşyaları yanıb.Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.