Bakı-Qazıməmməd-Mozdok kəmərindəki partlayışla bağlı – açıqlama
Hadisə ilə bağlı “Azəriqaz” İstehsalat Birliyi rəsmi açıqlama yayıb. Məlumatda Bakı-Qazıməmməd-Mozdok magistral qaz kəmərinin 1200 mm-lik “Altıağac-Ağsu” magistral qaz xəttində sızma və sonradan yanğın baş verdiyi bildirilir. Görülən tədbirlər nəticəsində kəmərlə qaz nəqli dayandırılaraq, yanğın söndürülüb. Hadisə nəticəsində Xızı rayonunun Altıağac qəsəbəsinə mavi yanacağın verilişi dayandırılıb.
Hal-hazırda alternativ magistral kəmərlə qaz nəql olunur. Qəza-bərpa işləri başa çatana qədər Altıağac qəsəbəsi qazsız qalacaq. Respublikanın digər yaşayış məntəqələrinin qazla təchizatında heç bir problem yoxdur.
Xatırladaq ki, ötən gün saat 23.00 radələrində Mozdok-Qazıməmməd qaz kəmərinin Şamaxı rayonundan keçən hissədində partlayış baş verib. Artıq həmin hissədəki yanğın söndürülüb. ANS PRESS-in məlumatına görə, hadisə nəticəsində xəsarət alan olmayıb.
Partlayış güclü olduğundan onun səsi Siyəzən, Dəvəçi və Quba rayonlarının kəndlərində də eşidilib.
Son Xəbərlər
- 1
- 2
- 3
- 4
- 5
- 6
