Ərdoğan vətəndaşları İstanbul Boğazına dəvət etdi
Türkiyə Prezidenti Rəcəb Tayyib Ərdoğan bütün vətəndaşları Cümhuriyyətin 100-cü ildönümünü qeyd etmələri çərçivəsində İstanbul Boğazında keçiriləcək parada dəvət edib.
“Qafqazinfo” xəbər verir ki, Prezident Ərdoğan bu haqda sosial media hesabında yazıb:
“Cümhuriyyətimizin 100-cü ildönümünün həyəcanını və qürurunu yaşadığımız bu tarixi gündə Boğazda pilotsuz təyyarələr, atəşfəşanlıq və işıq şouları nümayiş etdirəcək, 100 döyüş gəmisi və döyüş təyyarəmizlə möhtəşəm parad keçirəcəyik”.
Ərdoğan yerli saatla 16:00-dan başlayaraq yeddidən yetmişə qədər hər kəsi bayraqları ilə Boğaza dəvət edib.
