Bu gün Bakıda Formula 2 üzrə əsas yarışa start verilib.

"Qafqazinfo" xəbər verir ki, Formula 2 yarışlarında hər biri iki pilotla təmsil olunan 11 komanda birincilik uğrunda mübarizə aparır.

Pilotlar Bakı şəhər halqasında 21 dövrə vuracaqlar.

Formula 1 Azərbaycan Qran-Prisi çərçivəsində keçirilən yarışda əvvəlcə pilotlar sərbəst yürüşdə güclərini sınayıblar. Gərgin idman mübarizəsi şəraitində keçən yürüşdə “Hitech Grand Prix” komandasının pilotu Jüri Vips bütün rəqiblərini qabaqlayıb. İlk üçlüyü “Carlin” komandasının üzvü Liam Louson və “Hitech Grand Prix” komandasının pilotu Markus Armstronq tamamlayıblar. Estoniyalı pilot Y.Vips sıralanma turunda da birinci olub. Sıralanma turunda “Carlin” komandasının üzvü Liam Louson ikinci, “Prema Racing”in pilotu Dennis Hauqer üçüncü yeri tutublar. "ART Grand Prix" komandasının pilotu Frederik Vesti sprint yürüşündə fərqlənib. “Prema Racing”in üzvü Cehan Daruvala yarışı ikinci, Liam Louson (“Carlin”) isə üçüncü sırada tamamlayıblar.

On dörd mərhələdən ibarət yarışa noyabrın 18-20-də Əbu-Dabidə yekun vurulacaq. Bakı yürüşünə qədər keçirilmiş beş yarışın nəticəsinə görə, pilotların siyahısına “MP Motorsport” komandasının üzvü Felipe Druqoviç 117 xalla başçılıq edir. Komandalar arasında isə “MP Motorsport” 139 xalla birincidir.

***

Formula 2 üzrə sprint yarışının startında qəza başa verib.

“Van Amersfoort Racing” komandasının pilotu Amauri Kordell və “Campos Racing”dən Olli Kaldvellin bolidi toqquşub və hər iki idmançı mübarizəni dayandırıb.

Yarışda hər biri iki pilotla təmsil olunan 11 komanda birincilik uğrunda mübarizə aparır. Pilotlar Bakı şəhər halqasında 29 dövrə vuracaqlar.

***

Formula 2 üzrə əsas yarışda daha bir qəza baş verib.

"Charouz Racing System"də çıxış edən türkiyəli pilot Cem Bölükbaşı qoruyucu səddə çırpılıb.

***

Bakıda keçirilən "Formula 2" üzrə Azərbaycan Qran-prisinin qalibi bəlli olub. 

29 dövrənin yekununda "Prema Racing"dən Dennis Hauger bütün rəqiblərini qabaqlayıb.